Вохӯрӣ бо ҳайати Қувваҳои Мусаллаҳи Покистон

0
1439

9 январи соли 2015 дар Агентии назорати маводи нашъаовари назди Президенти ҶТ вохӯрии Директори Агентӣ генерал-лейтенанти милитсия Рустам Назарзода бо ҳайати Қувваҳои Мусаллаҳи Покистон таҳти роҳбарии Директори генералии Департаменти омодагии ҷангии Ситоди Муттаҳидаи Қувваҳои Мусаллаҳи Покистон контр-адмирал Фаррух Аҳмад баргузор гардид.

В рафти вохӯрӣ роҳбари Агентӣ меҳмононро бо тамоюлҳои асосии вазъи вобаста бо маводи нашъаовар дар минтақаи Осиёи Марказӣ шинос намуд. Қайд гардид, ки солҳои охир дар минтақа ҳаҷми мусодираи гашиш ва маводи нашъаовари синтетикӣ афзалият дорад, дар минтақа миқдори ҷиноятҳои вобаста ба гардиши ғайриқонунии маводи нашъаовар дар ҳаҷми умумии ҷиноятҳо дар сатҳи пешина боқӣ мемонад.

Инчунин Р. Назарзода ба меҳмонон оид ба конфронс дар мавзӯи мубориза бар зидди гардиши ғайриқонунии маводи нашъаовар, ки дар охири моҳи майи соли ҷорӣ дар Душанбе баргузор мегардад, иттилоот дод.

Директори Агентӣ дар бораи талаботи Агентӣ оид ба омода намудани кормандони ҷавон, кормандони қисми таъиноти махсус, инчунин ташкил намудани курсҳо оид ба омӯхтани забони англисӣ нақл намуд.

Дар нутқи ҷавобии худ контр-адмирал Фаррух Аҳмад Директорро барои ҳамкорӣ арзи сипос кард ва изҳори боварӣ намуд, ки ҳамкориҳо дар оянда боз ҳам мустаҳкам хоҳанд гардид.

НАЗАРИ ХУДРО ГУЗОРЕД