Дар ВМКБ чорабинии зиддимухаддиротӣ баргузор гардид

0
1410

Бо мақсади ҳамоҳангсозии фаъолияти мақомоти давлатӣ, идораҳо, муассисаҳо ва ташкилотҳои вилоятӣ оид ба пешгирии сӯйистеъмоли маводи мухаддир дар ҷамоати деҳоти Сохчарви ноҳияи Шуғнон аз тарафи кормандони Раёсати Агентии назорати маводи нашъаовар дар ВМКБ дар ҳамкорӣ бо Маркази ташаккули тарзи хаёти солим ва маркази ВИЧ/ СПИД чорабинии фарҳангӣ-фароғатӣ дар мавзӯи “Мо ҳаёти солимро интихоб менамоем” гузаронида шуд.

Намояндаи Раёсати Агентӣ оиди нашъамандӣ ва оқибатҳои истеъмоли ғайритиббии маводи нашъаовар сухан кард. Ба калонсолоне, ки дар ин чорабинӣ иштирок намуданд, муроҷиат намуд, ки фарзандонро бе назорат нагузоранд, дар тарбияи онҳо бепарво набошанд, зеро, ки ҷавонон ояндаи миллатанд ва мо бояд ба онҳо ояндаи солимро пешниҳод намоем.

Сипас мутахассиси Маркази ВИЧ/СПИД оиди теъдоди беморони ВИЧ /СПИД дар вилоят ва шаҳру ноҳияҳо гуфта гузашта, оиди бо кадом роҳ пайдо шудани ВИЧ ба ҳамагон маълумот дод.

Дар чорабинии мазкур кормандони фарҳанги ноҳияи Шуғнон иштирок намуда, бо суруду мусиқии худ иштирокдоронро шод гардониданд. Ҳамзамон чорабинии мазкур бо саволу ҷавобхо оиди маводи мухаддир ва бемории ВИЧ /СПИД, бозиҳои шавқовар ва рақси бехтарин гузаронида шуда, ба иштирокчиён мукофотҳои хотиравӣ тақдим карда шуданд.

Кайд кардан ба маврид аст, ки дар чорабинии мазкур зиёда аз 150 нафар иштирок намуда, дар анҷом ба ҳамаи иштирокдорон китобчаҳои зиддимухаддиротӣ тақсим карда шудаанд.

kzon21-1

НАЗАРИ ХУДРО ГУЗОРЕД