Дар шаҳри Кӯлоб шаҳрвандони Тоҷикистон ва Афғонистон бо маводи нашъаовар боздошт шуданд

0
1472

Шаби 21 ба 22 январ кормандони Шуъбаи Байниноҳиявии Гурӯҳи Ноҳияҳои Кулоби Раёсати Агентии назорати маводи нашъаовари назди Президенти Ҷумҳурии Тоҷикистон дар вилояти Хатлон амалиёти “таҳвили назоратшавандаи дохилӣ” гузарониданд

Дар марҳилаи ниҳоии амалиёт дар яке аз хонаҳо дар ҳудуди шаҳри Кӯлоб шаҳрванди Ҷумҳурии Исломии Афғонистон – сокини 30-солаи шаҳри Кобул боздошт гардид. Аз ӯ як адад борхалтаи полиэтиленӣ бо маводи бӯи махсус дошта ёфт ва мусодира гардид.

Экспертизаи судӣ муайян намуд, ки маводи боздоштшуда гашиш буда, вазни он қариб 10 килограммро ташкил менамояд.

Тафтишот муайян намуд, ки шаҳрванди Афғонистон пешакӣ бо як сокини маҳаллӣ маслиҳат намуда, маводи нашъаоварро ба Кӯлоб барои фурӯш оварда будааст. Гурӯҳи оперативӣ ҳамиштирокчии ҷиноят – сокини 30-соларо муайян ва дастгир намуд. Маълум гашт, ки ӯ қаблан ду маротиба барои дуздии молу мулки ғайр суд шуда будааст.

Нисбати ин ҳодиса аз рӯи моддаи 200 қ. 4 – “Муомилоти ғайриқонунии воситаҳои нашъадор ё моддаҳои психотропӣ бо мақсади ба соҳибияти каси дигар додан ба миқдори махсусан калон” парвандаи ҷиноӣ оғоз гардидааст.
Боздоштшудагон ҳоло ба Тавқифгоҳи нигоҳдории муваққатии Шуъба ворид карда шуданд.

НАЗАРИ ХУДРО ГУЗОРЕД