Миша Бартон акнун пуле надорад, ки ҳақи таом ва иҷораи хонаи худро пардозад.

0
1892

Боз як қурбонии маводи мухаддир аз худ дарак медиҳад. Яке аз чеҳраҳои шинохтаи Голливуд Мише Бартон (Миша Энн Марсден) тадриҷан ба муфлис шудани худ эътироф мекунад. Бино ба гузориши расонаҳо вай акнун хонаи худ дар Ҳоливудро ба савдо гузоштааст. Иллати ин амр он аст, ки вай дигар наметавонад маблағҳои заруриро барои нигоҳ доштани он пардохт кунад. Аз сабаби мушкилоташ бо мухаддирот ва асабонияти пайваста кайҳост, ки ӯро ба нақшофаринӣ дар филмҳо ва лоиҳаҳои пурарзиш ва сердаромад даъват намекунанд.
Аммо чанде пеш ин ҳатто қобили тасаввур набуд, ки  рӯзе фаро мерасад, ки ин зани соҳибистеъдод наметавонад ҳатто барои таом пул ёбад. Як ходими сайти  амрикоии «Radaronline.com» ҳодисаеро ба мушоҳида гирифтааст, ки далели рушани муфлисии санъаткор аст. Ин шоҳид дар он бора менависад, ки чӣ гуна Миша бо дӯсташ вориди супермаркет шуда, бастаи макарони тайёрро ба даст гирифт ва ҳарисона то замони расидани навбаташ онро мехӯрд. Вақте навбаташ расид, ки бояд ҳақро пардозад, санъаткор бо боварӣ ҳуҷҷати қарзи бонкиро дароз кард. Аммо хазинадори супермаркет онро филҳол ба соҳибаш баргардонд, зеро дар он пуле, ки бояд муносиб ба ҳақи макарон бошад, мавҷуд набуд. Миша асноди дигари бонкиро пешниҳод кард ва он низ аз қабул нашуд. Миша даст ба ҳамёнаш бурд ва онро такурӯ кард, ки мутаассифона, дар он низ пули мавриди назар вуҷуд надошт. Мебоист кораш ба дасти пулис мехӯрд, вале дӯсташ мадад кард ва ҳақи макаронро пардохт ва зуд санъаткорро аз ин вартаи шармандавор берун кашид.
Ҳанӯз соле қабл иттилое пахш шуда буд, ки санъаткор Миша Бартон ба табобати маҷбурӣ ба бемористон касалиҳои руҳӣ фиристода шудааст.  Вай дигар наметавонист вазъи зиндагонии худро ба сомон орад. Мушкилоташ бо мухаддирот рӯз то рӯз беш мешуд ва мақомот тасмим гирифтанд бояд ҳатман як курси муолиҷаи иҷбориро пушти сар гузорад, хабар медиҳад  Lenta.ru истинодан ба маҷаллаи «People».
Миша Бартон ҳамагӣ 25 сол дорад ва аллакай зиндагониаш ба чунин мушкил печидааст. Вай ҳатто аз табобат саркашӣ мекунад ва намехоҳад аз истеъмоли мухаддирот даст кашад.  Моҳи декабри соли 2007 Миша Бартон аз ҷониби пулис барои рондани автомашина дар ҳоли сархӯшӣ аз шароб ва истеъмоли маводи нашъадор боздошт гардид ва боз ӯ ҳуҷҷати ронандагӣ ҳам бо худ надошт. Моҳи апрели соли 2008 додгоҳе дар Ню-Йорк санъаткорро муддати се сол ҳам аз ҳуқуқи ронандагӣ маҳрум кард ва ҳам водор ба ислоҳ намуд.
Вақтҳои охир матбуоти амрикоӣ дар бораи Бартон зиёд менависад. Ҳатто вазъи ҳам саломатӣ ва ҳам лоғаршавии рӯзафзуни ӯ гоҳо мавриди истеҳзо қарор гирифтааст. «Daily Mail» дар гузорише навиштааст, ки зарфи шаш моҳи охир Мишаи 23 сола то ҳадде лоғар шудааст, ки устухонҳои гарданаш бараъло намудоранд. Аммо худи Миша мегӯяд ин барояш чандон муҳим ва арзишманд нест, ки дар бораи саломатӣ, ҳолати рӯҳӣ ва намуди зоҳирии ӯ кӣ чӣ мегӯяд ва чӣ менависад.
Миша Бартон билохира тасмим гирифт хонаи боҳашаммати худ дар Беверлӣ Хиллзро ба 8,4 миллион доллар фурӯшад. Се моҳ пеш аз пахши ин хабар гуфта мешуд, ки вай натавонист 7 ҳазор доллар ҳақи иҷораи худро дар Ню-Йорк пардохт кунад ва ин боиси хашми соҳибхона ва додгоҳи шудани моҷаро гардид.

НАЗАРИ ХУДРО ГУЗОРЕД