Ҷамъбасти фаъолияти Агентӣ дар соли 2014

0
1373

10 январи соли 2015 дар Агентии назорати маводи нашъаовари назди Президенти ҶТ ҷаласаи оперативӣ оид ба натиҷаҳои фаъолияти оперативӣ-хизматии Агентӣ дар соли 2014 ва вазифаҳо барои соли 2015 баргузор гардид, ки дар кори он Мудири Шуъбаи мудофиа ва ҳифзи тартиботи ҳуқуқии Дастгоҳи Иҷроияи Президенти ҶТ А. Абдуллоев ва Директори Агентӣ генерал-лейтенанти милитсия Р. Назарзода, роҳбарони раёсатҳо, шӯъбаҳои Дастгоҳи марказӣ ва раёсатҳои минтақавии Агентӣ иштирок намуданд.

Дар ҷаласа натиҷаҳои фаъолияти оперативӣ-хизматии Агентӣ дар соли сипаришуда оид ба иҷрои бандҳои “Нақшаи чорабиниҳо оид ба татбиқи Стратегияи миллии мубориза бар зидди гардиши ғайриқонунии маводи мухаддир дар Ҷумҳурии Тоҷикистон барои солҳои 2013-2020”, мубориза бар зидди муомилоти ғайриқонунии маводи нашъаовар, назорат аз болои гардиши қонунии он ва пешгирии нашъамандӣ, гузаронидани амалиётҳои муштарак ва машқҳои минтақавӣ, мустаҳкам намудани ҳамкориҳои байналмиллалӣ муҳокима гардиданд.

Ба диққати роҳбарони ҷузъу томҳои Агентӣ як қатор камбудиҳо ва норасоиҳо дар ташкили санҷиши нозиротӣ, ошкор ва қатъ намудани фаъолияти гурӯҳҳои муташаккили ҷиноӣ, ки робитаҳои байнидавлатӣ доранд, ишора карда шуд. Як қатор пешниҳодҳо оиди бартараф намудани норасоиҳои номбаршуда пешкаш карда шуданд. Инчунин масъалаи истифода маблағҳои бюджетӣ, ки барои Агентӣ ҷудо шудаанд, баррасӣ гардид.

Ҳисоботи роҳбарони раёсатҳо ва шуъбаҳои Агентӣ оид ба иҷрои чорабиниҳои нақшавии Агентӣ барои соли 2014 баррасӣ гардида, Нақшаи чорабиниҳои асосии ташкилии Агентӣ барои соли 2015 муҳокима ва аз ҷониби Директори Агентӣ тасдиқ гардид.

Р. Назарзода супориш дод, ки дар давоми семоҳаи аввали соли ҷорӣ “Консепсияи тақвият додани фаъолияти оперативӣ-ҷустуҷӯӣ ва кори тафтишотӣ барои солҳои 2015-2016” ва “Консепсияи омӯзиш ва бозомӯзии кормандон барои солҳои 2015-2016” коркард ва қабул карда шавад.

Дар хотима Р. Назарзода як қатор масъалаҳои муҳими Агентиро барои давраи пешистода, аз ҷумла, масъалаи дар сатҳи олӣ гузаронидани конфронси байналмилалӣ оид ба масъалаҳои мубориза бар зидди маводи мухаддир дар охири моҳи май дар шаҳри Душанбе мавриди баррасӣ қарор дод.

НАЗАРИ ХУДРО ГУЗОРЕД